17:35, 27 Korrik 2016 297 Shpërndarje
Ish-drejtori i Burgjeve Iljaz Labi do të vijojë të qëndrojë në burg, pasi Gjykata e Apelit rrëzoi kërkesën e tij për të shfuqizuar masën e sigurimit personal të arrestit me burg.
Labi akuzohet për korrupsion për tenderët e Drejtorisë së Përgjithshme të Burgjeve, afera këto të zbuluara nga përgjimet telefonike.
Bashkë me të janë arrestuar edhe 4 administratorë të cilët konkurruan në mënyrë fiktive pas një marrëveshjeje paraprake se duhet të fitonte vetëm njëra prej shoqërive.
Na data 23 maj deri më 3 qershor të dyshuarit flasin intensivisht në telefon me njëri-tjetrin për tenderin e ushqimeve për burgjet, vlera e të cilit llogaritet të jetë 20 milionë.
