Ky shtet hoqi nga transmetimi Eugent Bushpepën për arsye qesharake

Me siguri nuk e keni çuar nëpër mendje! Eugent Bushpepa bëri krenarë të gjithë shqiptarët me performancën e tij në natën e parë gjysmëfinale të Eurovision. Kualifikimi i tij...

Me siguri nuk e keni çuar nëpër mendje!

Eugent Bushpepa bëri krenarë të gjithë shqiptarët me performancën e tij në natën e parë gjysmëfinale të Eurovision. Kualifikimi i tij për në finale ishte mëse i merituar dhe duke patur parasysh aftësitë e Eugentit jemi të bindur që edhe në finale, këngëtari shqiptar do të bëjë një përfaqësim dinjitoz.

Ai fitoi “zemrat” e të gjithë shikuesve të gjysmëfinales dhe jo më kot ishte i pari në Facebook-un e Eurovision për sa i përket komenteve dhe pëlqimeve të performancës.

Nëse nuk e dinit, televizioni kombëtar i Kinës, Mango Tv e transmeton gjithmonë këtë spektakël, por jo live, pasi e redakton dhe ndryshon. Të njejtën gjë ka bërë edhe mbrëmjen e kaluar, duke mos transmetuar performancën e Shqipërisë dhe Irlandës, për dy arsye tejet qesharake.

Performanca e Eugent Bushpepës është censuruar për shkak të një rregulloreje, e cila ndalon artistët me tatuazhe të shfaqen në television.

Ky rregull hyri në fuqi në janar të këtij viti, në të cilin Administrata Shtetërore e Shtypit, Radios, Filmit dhe Televizionit të Republikës Popullore të Kinës (SAPPRFT) deklaroi se ata “kërkojnë në mënyrë specifike që programet të mos shfaqin artistë me tatuazhe apo ato që përfaqësojnë kulturën hip-hop, nën-kultura jo të zakonshme ose kultura dekadente.”

Gjithashtu është hequr edhe momenti kur Eugenti shfaqet gjatë prezantimit të kualifikuesve, duke transmetuar vetëm reagimin e delegacionit dhe jo atë të këngëtarit.

Edhe performanca e Irlandës është hequr nga transmetimi në ekran për shkak se qeveria kineze ndalon transmetimin e shfaqjeve të marrëdhënieve të gjinisë së njëjtë në television.

Temat
Showbiz

Të afërta