Kryetari i Lëvizjes Vetëvendosje, Visar Ymeri ka përsëritur qëndrimin e kësaj partie kundër vendimit të KQZ-së për ndërprerje të numërimit të votave në Prishtinë e Prizren.
Ai ka thënë se për këtë nuk ka pasur asnjë bazë ligjore.
Ymeri me anë të një postimi në facebook ka publikuar edhe kërkesën që i kanë dërguar KQZ-së për të vazhduar numërimin e votave në këto dy komuna.
Ai ka bërë thirrje që mos të cenohet procesi zgjedhor
“Nuk ka asnjë arsye ligjore që KQZ ka ndërprerë numërimin e votave që shprehin vullnetin e qytetarëve dhe na tregojnë për rezultatin preliminar në Prishtinë dhe Prizren. Asnjë vendim gjykate nuk mund të ndalë numërimin e votave qytetare. Andaj mos pengoni dhe mos cenoni procesin zgjedhor”, ka shkruar Ymeri./Lajmi.net/
