Nënshkrimi i marrëveshjes ndërmjet PAN-it dhe AKR-së nuk ka kaluar pa e marrë edhe vëmendjen e mediave serbe.
Në raportimet e tyre disa nga mediat e kanë quajtur koalicionin PDK-AAK-NSIMA si koalicioni i luftës.
“Aleanca Kosova e re e Behgjet Pacollit ka nënshkruar një marrëveshje koalicioni me të ashtuquajturin koalicionin e luftës”, shkruan B92, transmeton lajmi.net
“Pritet përfundimi i bllokadës tremujore në Kosovë, për shkak se partnerët e koalicionit kanë arritur të sigurojnë një shumicë në Parlamentin e Kosovës i cili i ka 120 vende. Në përputhje me marrëveshjen dhe me pakicat etnike, tani ata kanë 63 vende”, vazhdon raportimi i medias serbe.
Edhe agjencia e lajmeve Tanjug ka shkruar se kriza në Kosovë po shkon drejtë zgjidhjes.
“Marrëveshja e Pacollit me koalicionin e luftës i hap rrug formimit të qeverisë së re në Kosovë”, shkruan Tanjug.
Për marrëveshjen PAN-AKR ka raportuar edhe Telegrafi serb dhe mediat e tjera.
