Deputeti i Vetëvendosjes, Frashër Krasniqi tha të enjten se Kadri Veseli i akuzoi ata se do t’i sjellin ditë të zeza Kosovës, ndërkohë që sipas tij, krimet më të mëdha në Kosovën e pasluftës ndodhën nën udhëheqjen e tij.
Krasniqi në një postim në rrjetin social Facebook tha se Veseli me të drejtë ishte i shqetësuar, pasi ai e dinë se ku do të përfundojë pas humbjes së pushtetit.
Lexoni të plotë postimin e Krasniqit:
“Na akuzoi që do t’i sjellim Kosovës ditë të zeza, ndërkohë që krimet më të mëdha në Kosovën e pasluftës ndodhën nën udhëheqjen e tij.
Na akuzoi për terrorizëm, ndërkohë që e terrorizuan këtë vend duke e vjedhur e keqpërdorur.
Na akuzoi se do ta kthejmë Serbinë, ndërkohë që i ka rënë në gjunjë Listës Srpska.
Kadri Veseli me të drejtë ishte i shqetësuar sot. Ai e di ku do të përfundojë pas humbjes së pushtetit”. /Telegrafi/
