Në Shqipëri ndodh rëndom që shumëçka të vidhet nga të huajt dhe tu shitet shqiptarëve si diçka inovatore.
Por kur këtë e bën edhe ai që tashmë kërkon një 4 vjeçar të dytë në krye të qeverisë, Edi Rama, atëherë çështja bëhet akoma më e pazakontë.
Pak ditë më parë Rama publikoi spotin zyrtar të fushatës për zgjedhjet e 25 qershorit, ku ai shfaqet duke ngritur diellin me anë të një litari, ndërsa për ta bërë të mundur një gjë të tillë kërkon ndihmën e gjithë shqiptarëve, me votë.
Nga një investigimi i thjeshtë del se ideja e këtij spoti është kopjuar kryekëput nga një reklamë e bankës franceze BNP Paribas e titulluar “Duke ngritur diellin”.
Kjo reklamë e bankës është publikuar në vitin 2010.
Nuk dihet nëse stafi i Ramës e ka vënë në dijeni kryeministrin që kjo nuk është një ide e tyre, por diçka e vjedhur nga të huajt. /Gazeta Express
