Specialistët për Krimet në Komisariatin e Policisë Durrës, në vijim të zbatimit të planit të masave për kontrollin e territorit, me qëllim parandalimin e rasteve të kultivimit të bimëve narkotike, gjatë kontrollit të territorit ditën e djeshme kanë goditur një tjetër rast.
Sic bëhet e ditur, nga ana e policisë ka nisur procedim penal në ngarkim të
• R. M. 61 vjeç, banues në fshatin, Kryeplak i fshatit Shetaj;
• E. C. 28 vjeç, banues në Durrës, Inspektor i Shërbimit Pyjor Durrës;
•A.Ç. 30.vjeç, banues në Durrës, Inspektor i Shërbimit Pyjor Durrës.
Gjatë kontrollit të ushtruar nga uniformat blu, në fshatin Shetaj, Bashkia Durrës, në vendin e quajtur degëzimi “Përroi i Mullirit”, u gjetën dhe asgjësuan me anë të djegies 40 bimë narkotike të dyshuara të llojit Cannabis Sattiva.
Vijon puna për zbulimin e autorëve të tjerë të përfshirë në këtë veprimtari kriminale.
Gjithashtu, nga kontrollet e ushtruara nga Specialistët për Krimet në Komisariatin e Krujë, në fshatin Mallkuq, në vendin e quajtur “Përroi i Sharrit”, u gjetën dhe asgjësuan me anë të djegies:
• 132 fidanë bimë narkotike të dyshuara të llojit Cannabis Sattiva.
Po punohet për identifikimin dhe kapjen e autorëve.
