Pas humbjes së shumicës parlamentare, konservatorët e kryeministres Theresa May mund të detyrohen të bashkojnë forcat me Partinë e Bashkimit Demokratik (DUP) në Irlandën e Veriut për të formuar qeverinë.
Tani është konfirmuar “parlamenti i varur”, sipas të cilit kur nuk ka shumicë bindëse vendi mund të qeveriset nga koalicionet që sigurojnë shumicën e vendeve.
“DUP” është partia më e madhe politike në Irlandën e Veriut. Ajo ka një avantazh të vogël elektoral ndaj rivalëve të saj republikanë, Sinn Fein, të cilët refuzojnë të ulen në Parlamentin Britanik.
May do të duhet të bashkojë tashmë forcat me Arlene Foste, udhëheqësen e partisë pro-sindikale, në atë që është konsideruar si “puthja e vdekjes” për lideren e Mbretërisë së Bashkuar.
Foste është pro-Brexit, por nuk dëshiron të shohë një marrëveshje “të vështirë”, shkruan “The Telegraph”.
“DUP” ka kundërshtuar futjen e martesës së njëjtë të seksit në Irlandën e Veriut, si dhe heqjen e ndalimit të abortit.
Në manifestin e saj ajo e quajti tarifën e licencës televizive një “taksë shumë regresive” e cila ishte projektuar për një “epokë të ndryshme”. /SYRI.net/
