13:26, 23 Shkurt 2017 357 Shpërndarje
Një autobus që transportonte 40 ushtarë të Brigadës 4 të Ushtrisë së Serbisë, ka dalë jashtë rrugës dhe ka rënë nga një lartësi rreth 4 metra.
Autobusi ishte nisur nga Nishi për në Vranjë, ndërsa ngjarja ka ndodhur rreth orës 6:20 të mëngjesit të sotëm.
Mediat serbe raportojnë se janë lënduar 13 ushtarë të cilët janë dërguar me urgjencë në spital.
Ministria e Mbrojtjes ka njoftuar se një ushtar ka pësuar lëndime të rënda në kokë, por fatmirësisht nuk raportohet për asnjë të vdekur.
Ndërkohë, policia po heton për zbardhjen e ngjarjes dhe shkaqet që çuan në rrëzimin e autobusit.
