Trupat turke bashkuan forcat me luftëtarët kryengritës sirianë të dielën, për të hyrë në zemër të bastionit të Shtetit Islamik, al-Bab. Presidenti turk, Recep Tayyip Erdogan deklaroi se forcat do të merrnin së shpejti nën kontroll qytetin në Sirinë veriore.
Erdogan, duke folur në Stamboll tha se al-Bab “është rrethuar tani nga të gjitha frontet.”
Udhëheqësi turk shtoi se “forcat e Daesh’it kanë filluar të largohen plotësisht nga al-Bab” duke përdorur emërtimin arab për Shtetin Islamik.
Pavarësisht nga pretendimi i presidentit Erdogan, se forcat turke dhe kryengritësit sirianë kishin përparuar në qendër të al-Babit, Vëzhguesi Sirian për të Drejtat e njeriut me bazë në Britani, tha se përplasjet ishin ende të përqendruara në rrethinat e qytetit
Fjalët kyçe
Erdogan
