Mediat serbe, edhe vizitën e Edi Ramës në Prishtinë, po mundohen ta lidhin me dramatizimin falso të situatës me Kosovën nga ana e liderëve institucional serb.
Presidenti serb Tomislav Nikolic ka thirrur në takim urgjent ambasadorët e fuqive të mëdha në Serbi, ata të Rusisë, Kinës dhe Amerikës, ndërsa kryeministri serb Aleksandar Vucic ka thirrur në takim në Rashkë përfaqësuesit e serbëve të Kosovës, përcjell gazetametro.net.
Të gjithë këtë alarm të krijuar nga vetë Serbia, mediat serbe po mundohen ta lidhin edhe me vizitën e Ramës sot në Prishtinë, i cili fillimisht vizitoi partinë AAK të Ramush Haradinajt.
Pas takimit të mbrëmshëm në Bruksel në mes të liderëve të Kosovës dhe atyre të Serbisë, këta të fundit sot në Beograd po mundohen të krijojnë një situatë alarmi, me pretendimin se Kosova është duke përgatitur sulm ndaj veriut të banuar më shumicë serbe. /gazetametro.net
