15:59, 30 Janar 2017 368 Shpërndarje
Është caktuar data se kur do të thirret si dëshmitar djali i ish-kryeministrit Sali Berisha.
Shkëlzen Berisha pritet që të dëshmojë me 1 shkurt, pasi është thirrur nga Komisioni Hetimor parlamentar për privatizimin e kompanisë OSHE nga kompania çeke CEZ.
Ka qenë vetë kryetari i këtij komisioni, Taulant Balla, i cili ka sqaruar se thirrja e këtij dëshmitari vjen si rrjedhojë e përmendjes së emrit të tij në disa deklarata të disa dëshmitarëve.
Nga ana tjetër, Balla ka kërkuar ndihmën e policisë për të sjellë në seancën e radhës edhe të dëshmitarit Arben Doçi, ish-drejtor i parandalimit dhe pastrimit të parave në ministrinë e financave, i cili nuk është paraqitur pas thirrjes së komisionit për të dëshmuar.
Temat
Lajme
