Një aksident i rëndë ka ndodhur sot në orët e mbrëmjes në fshatin Bujanë të Lipjanit. Një person ka mbetur i vdekur dhe dy të lënduar pas aksidentit që ndodhi rreth orës 17:00.
Në aksident janë përfshirë dy vetura dhe një traktor. Pas aksidentit, rruga ka qenë e pakalueshme për më shumë se dy orë.
Këtë për Gazetën Express e ka konfirmuar zëdhënësja e Policisë për rajonin e Prishtinës, Flora Ahmeti.
Ahmeti ka treguar se aksidenti ka ndodhur në orën 17:00 ku janë përfshirë dy vetura dhe një traktor.
Ajo poashtu ka thënë se dy personat e tjerë që janë lënduar në këtë aksident janë duke marrë trajtimin e duhur mjekësor.
