Gjykata greke ka vendosur sot që ta lejojë ekstradimin e tre ushtarëve turq në Turqi, të cilin një natë pas puçit ushtarak kundër presidentit Tayyip Erdogan ikën në Greqi në korrik të këtij viti.
Tre pilotët janë në mesin e tetë ushtarëve turq që ikën në veri të Greqisë përmes helikopterit dhe kërkuan azil politik, duke thënë se kishin frikë se do të vriteshin në Turqi.
Turqia i akuzon ata se ishin pjesë e tentim puçit ushtarak të 15 korrikut, si dhe i ka quajtur tradhtarë.
Gjykata greke ka dhënë se ata duhet të kthehen në Turqi dhe të përballen me gjykim për tri nga katër krimet që Turqia i akuzon, por jo se tentuan ta vrisnin Erdoganin, ka thënë për Reuters avokatja e tyre, Stavroula Tomara.
Pilotët janë ankuar ndaj vendimit, ka thënë ajo.
Ndërkohë, dje gjykata greke vendosi ta refuzojë kërkesën e Turqisë për ekstradimin e tre ushtarëve tjerë.
