21:47, 7 Nëntor 2016 679 Shpërndarje
Kryetari i Lidhjes Demokratike të Kosovës, njëherësh kryeministër i Republikës së Kosovës, Akademik Isa Mustafa, vizitoi sot Degën e Lidhjes Demokratike të Kosovës në Drenas.
Kryetari Mustafa përgëzoi udhëheqjen e LDK-së në Drenas me rastin e përfundimit të suksesshëm të zgjedhjeve në Forumin e Gruas dhe Forumin e Rinisë.
Kryesia e LDK-së në Drenas dhe përfaqësuesit e forumeve e njoftuan Kryetarin Mustafa me procesin zgjedhor nëpër nëndegët e LDK-së, duke theksuar interesimin e shtuar të të rinjve për këtë proces.
Të pranishmit gjithashtu përgëzuan Kryetarin Mustafa për punën e Qeverisë dhe kërkuan që të vazhdohet me implementimin e Programit Qeverisës, pasi që efektet ekonomike tashmë po vërehen.
