Lidhja Demokratike e Kosovës, ka reaguar pas një sondazhi të publikuar në media. Sipas këtij sondazhi, partia e Isa Mustafës radhitet partia e tretë pas PDK-së, dhe Vetëvendosjes. Mirëpo, LDK vlerëson se sondazhi është i porositun dhe është bërë nga një kioskë. Partia e cila po udhëheq me Qeverinë e vendit, nëpërmjet faqes se saj në Facebook, e ka akuzuar një medium kosovar se është vënë 24 ore në shërbim të një partie politike.
“UBO Consulting është kioska e cila më së paku ka të bëjë me hulumtimin e opinionit. Uliks Osmani ( burri i Arlinda Osmanit) është pronar i UBO Consulting apo sondazheve me tendera përveq kësaj është mik dhe rregullon leje së bashku me Ilir Gjinollin , mikun e Shpend Ahmetit. Ilir Gjinolli dhe Arlinda Osmani (gruaja e pronarit të UBO) dy pronarët e Studios së Arkitekturës Urban Plus e cila studio vazhdimisht shpërblehet me tender nga Komuna e Prishtinës”, thuhet ndër të tjera në reagimin e LDK-së.
Reagimi i plotë I LDK-së:
Një medium kosovar është vënë 24 orë me 24 në shërbim të një partie politike. Përveq propagandës së përditëshme mediale në shërbim të kësaj partie ajo sot e paska publiku një sondazh të porositur e të blerë në një “kioskë” .UBO Consulting është kioska e cila më së paku ka të bëjë me hulumtimin e opinionit. Uliks Osmani ( burri i Arlinda Osmanit) është pronar i UBO Consulting apo sondazheve me tendera përveq kësaj është mik dhe rregullon leje së bashku me Ilir Gjinollin , mikun e Shpend Ahmetit. Ilir Gjinolli dhe Arlinda Osmani (gruaja e pronarit të UBO) dy pronarët e Studios së Arkitekturës Urban Plus e cila studio vazhdimisht shpërblehet me tender nga Komuna e Prishtinës. Sondazhi i vetëm për neve si parti qeverisëse dhe me parime institucionaliste janë zgjedhjet dhe vota e qytetarëve. Lidhja Demokratike e Kosovës është e përkushtuar të kryej detyrën e saj , që qytetarët i’a kanë besu (jo sondazhet) – qeverisjen e vendit.
