Diego Simeone, trajneri i Atletico Madridit, e ka lavdëruar Barcelonën, me të cilin ekipi do të përballet nesër në Camp Nou
Trajneri i Atletico Madridit, Diego Simeone mendon se Barcelona vazhdon të jetë klubi më i mirë në botë. Strategu argjentinas i ka thurur lavde kampionit të Spanjës para derbit, i cili do të luhet nga ora 22:00 në Camp Nou.
“A është ende Barcelona klubi më i mirë në botë? “Po, unë mendoj kështu. Barcelona vazhdon të ketë një lojë futbolli të ndritshme si në lojë individuale ashtu edhe kolektive”, ka deklaruar Simeone, i cili ka lavdëruar Neymarin.
“Është një lojtar i jashtëzakonshëm. Ai ka luajtur Lojërat Olimpike dhe e fitoi garën. Ai u kritikua në fillim. Ai ka ardhur në Barcelonë, në një vend të mahnitshme për të shfaqë talentin që ka”, ka theksuar ai.
