Kancelarja gjermane, Angela Merkel, pranoi përgjegjësinë për humbjen e partisë së saj CDU në zgjedhjet shtetërore në Berlin.
Rezultatet zyrtare treguan se CDU fitoi 17.6 përqind të votave në zgjedhjet e së dielës, çfarë është rezultati më i keq i regjistruar ndonjëherë në Berlin.
Social-Demokratët e qendrës së majtë dolën partia më e fortë, me 22 përqind, ndërsa partia antimigrante e ekstremit të djathtë, Alternativa për Gjermaninë, fitoi 14 përqind të votave dhe do të futet në parlamentin shtetëror për herë të parë.
Merkel ka shprehur pendesën e saj për gabimet që kanë kontribuar në krizën e emigracionit të verës së kaluar në Gjermani.
“Sikur të mundem, do ta ktheja kohën prapa për shumë e shumë vite për t’u përgatitur më mirë”, tha Merkel.
Këto zgjedhje janë zhvilluar dy javë pas humbjes që ka pësuar partia e Merkelit në landin e vetë kancelares, Meklenburg-Vorpomern, transmeton REL.
Popullariteti i Merkelit ka rënë prejse ajo ka marrë vendim të hapë kufijtë për migrantët, vitin e kaluar.
Merkel, megjithatë, mbrojti politikën e saj ndaj migrantëve, duke e cilësuar si “absolutisht korrekte”.
TEMAT:
