Aktiviteti i sotëm protestues në kampusin e UP’së para Kishës Ortodokse serbe të papërfunduar, përmes së cilit është kundërshtuar funksionalizimi saj. Ka përfunduar i qetë dhe pa asnjë të arrestuar ka njoftuar Policia e Kosovës, shkruan Gazeta Express.
Disa protestues me qëllim të vendosjes së një pankarte në hyrje të këtij objekti kanë lënduar një polic i cili po trajtohet në QKUK.
Ndërkohë që Vetëvdendosje nëpërmjet një reagimi ka kërkuar që sipas tyre të lirohen studentët e arrestuar nga policia e Kosovës të përfshirë sot në këtë akstivitet protestues.
Edhe pse Policia e Kosovës doli me komunikatë zyrtare se nuk është arrestuar asnjëri nga studentët, më poshtë mund ta shihni thirrjen e VV’së për lirimin e studentëve që nuk u arrestuan.
“Policia arreston studentët e UP vetëm pse vendosën një pano prej letre te kisha e Millosheviqit!
Asnjë intervenim nuk ndërmorri kjo polici disa ditë më herët, kur zyrtarë të manastirit të Graçanicës, jashtëligjshëm u futën në këtë objekt dhe filluan punimet për rinovimin e tij. Madje i mbrojti ata.
Lëvizja VETËVENDOSJE! e dënon ashpër intervenimin e dhunshëm të Policisë së Kosovës ndaj studentëve të Universitetit të Prishtinës të cilët thjeshtë vendosën një pano prej letre para kësaj kishe. Ky objekt, i ndërtuar gjatë regjimit të Millosheviqit, simbolizon planet e tij për spastrimin etnik të shqiptarëve në Kosovë dhe uzurpon hapësirën e Universitetit të Prishtinës.
Është shqetësuese dhe e papranueshme që Policia të vazhdojë shërbimin me aq përkushtim ndaj klanit Pronto e për interesat e Serbisë. E në anën tjetër të jetë aq shtypëse e brutale ndaj kujtdo që ngrit zërin e angazhohet për interesin e shtetit dhe kombit tonë.
Bëjmë thirrje për lirim të mënjehershëm të studentëve të arrestuar dhe ftojmë Policinë që të mos vazhdojë me këto veprime që po kontribuojnë që Kosova të shndërrohet në shtet autoritar në shërbim të Serbisë”, thuhet në thirrjen e VV’së.
