Carlo Ancelotti ka treguar se pse nuk mendon fare që të punojë si përzgjedhës.
Trajneri i Bayernit të Munichut, e konsideron këtë punë si monotone.
“Një ditë trajner i Italisë? Kush e di. Por, momentalisht më pëlqen të ushtrojë çdo ditë me ekipin. Dëshira ime është që të punojë çdo ditë me lojtarët e mi, e jo tri ditë në muaj siç bën një përzgjedhës”, deklaroi Ancelotti për “Radio Anchio Sport”.
Ai ka folur edhe për ish-klubin e tij, Milan, duke e lartësuar punën e presidentit Silvio Berlusconi.
“Te Milani është fundi i një cikli, pasi që pronarët e rinj janë kinezë. Unë mendoj që ka një tendencë për të harruar atë që Berlsconi ka bërë te Milani. S’duhet t’i harrojmë sukseset historike të tij. Megjithatë, shpresoj që pronarët e rinj kanë dëshirë dhe entuziazëm për të sjellë Milanin në nivel të lartë, sidomos në aspektin ekonomik, që është një rëndësi parësore”, shtoi Ancelotti.