Deputetja e Aleancës për Ardhmërinë e Kosovës (AAK) Time Kadrijaj e ka akuzuar Qeverinë e Kosovës duke thënë se këta të fundit po bëjnë mashtrime të maskuara kur deklaruan se kishin gjetur zgjidhjen për financim të specializantëve të mjekësisë.
Sipas saj, qindra specializantë janë duke u vetëfinancuar dhe se me një veprim të tillë, siç vlerëson ajo, së shpejti Kosova do të ketë deficit të kuadrove mjekësor.
Ajo ka kërkuar nga ministri i Shëndetësisë Ministër që të ndërhyjë më urgjencë për të ofruar zgjidhje të qëndrueshme e të përhershme për djemtë e vajzat që do të jenë “gardiani” i shëndetit të qytetarëve./lajmi.net
Reagimi i Time Kadrijaj:
Edhe përkundër që disa ditë më parë, lexuam e ndëgjuam se si, me aq pompozitet disa eksponentë të qeverisë dhe kuvendit, krrekoseshin se u gjetë zgjidhja për specializantët e mjeksisë, kjo tani po del se është një mashtrim i maskuar për të fituar disa kohë, e disa të tjerë poena politik.
Qindra specializant vazhdojnë të mbesin më vetëfinancim, edhe përkundër se kushtet ekonomike të tyre janë të rënduara dhe nuk është aspak e lehtë që të shkollohesh dhe në të njëjtën kohë të punosh pa shpërblim nga shteti.
Kjo lojë e qeverisë, me “mantillbardhët” në ardhje, po i shtynë ata që të lëshojnë Kosovën dhe të kërkojnë në vendet përendimore, që të realizojnë vetën shumë më leht dhe shumë më mirë.
Kosova nësë vazhdohet kështu, së shpejti do të ketë deficit të kuadrove mjekësore, e kjo bartë më vete rrezikun e kolapsit total të sistemit edhe ashtu të “kalbur” shëndetësorë.
Ministër, duke qenë se jeni edhe vetë mjek, me profesion, ju do të duhej që më së miri ta kuptonit ketë situatë dhe të ndërhyni më urgjencë për të ofruar zgjidhje të qendrueshmë e të përhershme për djemtë e vajzat që do të jenë “gardiani” i shëndetit të qytetarëve.
