16:30, 9 Shtator 2016 557 Shpërndarje
Pep Guardiola ka thyer heshtjen për mospajtimet e tij me sulmuesin Zlatan Ibrahimovic, në prag të derbit Manchester United – Manchester City.
Të dy këta kanë punuar së bashku për një sezon në Barcelonë, ku Ibrahimovic ishte larguar në drejtim të Milanit.
Tani, në një ligë tjetër dhe skuadra tjera, këta protagonist do të vihen përball njëri-tjetrit.
“Unë kam respekt për atë që Zlatani ka arritur në karrierën e tij”, deklaroi Guardiola, përcjell Lajmi.net.
“Ai ka qenë i mahnitshëm kudo, është njëri nga lojtarët më të mirë. Disa lojtarë kanë nevojë për kohë për t’u përshtatur në një ligë, por lojtarët e mëdhenj jo”, ka shtuar trajneri spanjoll.
