Armando Sadiku ka thënë se nuk ka rëndësi kush luan apo shënon gol, por vetëm që Shqipëria të arrijë rezultate pozitive.
Në një intervistë për Super Sport, sulmuesi i Kombëtares shqiptare, Armando Sadiku, e ka pranuar se dëshiron që gjithmonë të luajë. Por, ai ka shtuar se është trajneri ai që vendos dhe se më e rëndësishme për të është që Kombëtarja të marri rezultate pozitive.
Kujtojmë se Bekim Balaj dhe Armando Sadiku luftojnë kokë më kokë për një vend në formacionin e Gianni de Biasit, të cilët po ia vështirësojnë edhe më shumë mundësin e zgjedhjes, pasi dy lojtarët kanë shënuar në fitoren prej 2:1 ndaj Maqedonisë.
“Normal që çdo sulmues dëshiron që të luajë, por unë e respektoj vendimin e trajnerit. Çfarëdo që vendos ai, është në të mirën e Kombëtares. Nuk ka rëndësi kush shënon, unë apo Balaj, apo kush luan. Më e rëndësishmja është që Kombëtarja të arrijë sa më lartë, të marrë rezultate pozitive”, ka thënë ai.