Policia e Tiranës ka vënë në pranga një person pasi akuzohet se ka kërcënuar kryeministrin e Shqipërisë, Edi Rama me anën e disa letrave.
Xhibrilemine Keça, 57 vjeç nga Korça i ka dërguar Ramës në datën 30 gusht 2016 një letër kërcënuese me përmbajtje ekstremiste.
Pasi është dërguar letra, kryeministria ka bërë denoncimin që ka çuar në prangosjen e personit të dyshuar.
Sipas policisë letrat kanë tendenca të nxitjes dhe urrejtjes ose grindjeve.
Ndërsa policia e Korçës bën me dije se ky person është me probleme mendore dhe është shtruar në spitalin psikiatrik të Elbasanit.
Letrat i kaluan prokurorisë për hetim.
