Gazeta “Panorama Sport” ka mësuar se është vendosur që Lorik Canën ta pasojë Ansi Agolli.
Ditën e djeshme, brenda skuadrës kombëtare është marrë vendimi në lidhje me shiritin e kapitenit.
Gazeta “Panorama Sport” ka mësuar se është vendosur që Lorik Canën ta pasojë Ansi Agolli.
Mbrojtësi i krahut të majtë do të jetë kapiteni i ri i kuqezinjve në të ardhmen. Do të jetë ndeshja me Maqedoninë ajo që do ta certifikojë përfundimisht diçka të tillë.
Mbrojtësi i Kombëtares, Mërgim Mavraj, ka qenë dje kapiteni i skuadrës kombëtare në ndeshjen ndaj Marokut.
Por, në një komunikim të shkurtër pas ndeshjes me “Panorama Sport”, qendërmbrojtësi u shpreh: “Besoj se është zgjedhje e përkohshme”.
Mbrojtësi pritet të jetë kapiten i dytë i kombëtares, ndërsa për momentin nuk dihet se kush do ta pasojë në këtë hierarki të re drejtimi të krijuar në grupin brenda përfaqësueses.
