Kryetari i Nismës për Kosovën, Fatmir Limaj, ka kërkuar nga Kuvendi që ta sqarojë se cila është arsyeja tërheqjes së demarkacionit të kufirit me Malin e Zi.
Kryeministri Isa Mustafa, në foltore kërkoi nga Kuvendi ta tërheq Demarkacionin, pasi nuk ka kushte dhe se duhet diskutime të më tejshme. Mirëpo, ky argument i Mustafës, sipas Limajt, nuk qëndron. Ai tha se partitë në pushtet po e tërheqin Demarkacionin sepse nuk i kanë votat e mjaftueshme.
“Këtu kemi të bëjmë me një çështje të veçantë. Arsyeja e tërheqjes së ligjit është e pa argumentueshme. Pse po tërhiqet ky ligj, kur është kërkuar të votohet qe një vit”.
“Ky ligj mund të votohet, ka kuorum për t’u votuar, nuk kërkohet shumica e minoriteteve”.
“Qeveria duhet të thotë se ky ligj duhet rishikohet dhe të vërtetohet nëse është në rregull. Kështu do të ishte mënyra e duhur, dhe të kërkohet edhe konsensus me opozitën”.
“Nuk i keni votat për ta votuar demarkacionin, jo për shkak të mungesës Listës Serbe”, ka thënë Limaj.
