Një tjetër histori tragjike vjen nga Italia, pas tërmetit të tmerrshëm që deri tani ka lënë më shumë se 250 të vdekur.
“Daily Mail” publikon historinë e një 8vjeçareje e cila thuhet se humbi jetën nën gërmadhat e tërmetit në Pescara del Tronto duke mbrojtur motrën e saj më të vogël.
Giulia Renaldo u hodh me trup në mbrojtje të motrës duke sakrifikuar veten për të. Dy vajzat u gjetën nën gërmadhat e shtëpisë, por vetëm njëra mbijetoi.
Gjyshja e tyre, Angela Cafini nuk ka më lot. ‘Giulia vdiq duke mbrojtur motrën. Iu hodh dhe e pushtoi. Kjo është arsyeja e vetme që e vogla është ende gjallë.
Nuk ka asnjë gërvishtje sepse e gjithë pesha e shtëpisë ra mbi Giulia”, thotë Angela.