Presidenti i Kosovës, Hashim Thaçi ka dënuar sulmin mbi RTK-në.
Thaçi ka thënë se ky është një akt i shëmtuar kriminal dhe përgjegjësit duhet të vihen sa më parë para drejtësisë.
Ndërkohë u ka bërë thirrje edhe partive politike që në diskursin e tyre të mos linçojnë mediet por të mbrojnë fjalën e lirë.
Lexoni statusin e plotë të Hashim Thaçit:
Dënoj ashpër sulmin e mbrëmshëm kriminal, me mjet shpërthyes, ndaj RTK-së. Ky sulm kriminal ndaj radiotelevizionit publik është sulm ndaj mendimit, fjalës dhe medieve të lira.
I bëj thirrje të gjithë përfaqësuesve dhe subjekteve politike që në diskursin e tyre të mos linçojnë mediet, por të mbrojnë fjalën e lirë.
Ftoj organet kompetente të shtetit që të zbardhin këtë rast dhe të vënë para drejtësisë të gjithë përgjegjësit e këtij akti të shëmtuar kriminal. HTH
