‘Zizi’ gjatë një periudhe të kaluar përshëndetej me Presidentin historik të Republikës së Kosovës, dr. Ibrahim Rugova.
Ish-boksieri i mirënjohur, Aziz Salihu, ndryshe sportisti i Shekullit dhe fitues i medaljes së bronztë olimpike në vitin 1984 në Los Anxhelos të Shteteve të Bashkuara të Amerikës, ka më shumë se 75 ditë që është në spital.
Ai është i shtrirë në njërën nga spitalet e Stambollit dhe gjendja e tij shëndetësore është e rëndë, duke iu referuar familjes së tij.
Djali i tij, Mentori, ka postuar një foto në profilin e tij, kur ‘Zizi’ gjatë një periudhe të kaluar përshëndetej me Presidentin historik të Republikës së Kosovës, dr. Ibrahim Rugovën, shkruan “Bota Sot”.
Mirëpo, aty nuk saktësohet se në cilin vit është fotoja, por ka një domethënie të veçantë.
