Si të mos mjaftonte humbja me 4 gola nga Krasnodari në Rusi, portierin e Partizanit, Alban Hoxha, e priste edhe një incident tjetër në Aeroportin e Rinasit, gjatë kthimit.
Mbrëmjen e djeshme, pasi skuadra ka mbërritur në aeroport, dy të rinj, tifozë të Partizanit në të dalë të terminalit, e kanë provokuar Albanin me fjalë, duke e ngacmuar dhe përmendur emrin e këngëtares Çiljeta, shkruan revista Class.
Portieri nuk ka ndërhyrë, por është mjaftuar vetëm në përgjigje të thata, ndërkohë që Presidenti i Partizanit i ka larguar menjëherë dy të rinjtë.
Alban Hoxha prej disa kohësh përflitet për një lidhje të mundshme me këngëtaren, duke u bazuar në komentet që ata shkëmbejnë me njëri-tjtrin, por edhe vizitat e shumta të Çiljetës në stadium. Mesa duket kjo i ka inatosur tifozët, të cilët në revoltim e sipër për këtë humbje të Partizanit, i kanë përmendur portierit këngëtaren.
