Donika Kadaj akuzon rëndë AAK-në: Ka marrëveshje të fshehta me PDK-në

Deputetja nga radhët e Lëvizjes Vetëvendosje Donika Kadaj Bujupi e ka akuzuar ashpër ish partinë e saj, AAK-në, për siç tha ajo heshtjen që ata po e bëjnë për përgjimet e fundit të zyrtarëve shtetërorë.

Sipas saj, kjo është një dëshmi që ata po bëjnë marrëveshje të fshehta me koalicionin qeverisë.

Madje presidentin e vendit Hahsim Thaçin ajo e quajti një kryekriminel dhe se LDK-ja në vend se të distancohej nga PDK për ngjarjet e fundit, Kadaj Bujupi tha se Mustafa po e mbështet presidentin Thaçi, transmeton lajmi.net.

“Po shihet se si krimi udhëheq me shtetin e Kosovës dhe se si banditët janë drejtues të inatit, se si kryekrimineli është president i vendit pra Hashim Thaçi”, tha ajo në një konferencë për media.

Po ashtu ajo tha se deri më tani nuk ka dëgjuar nga AAK se të flas për skandalet e përgjimeve dhe thekson se me këtë ata po e përkrahin këtë.

“Nuk kemi dëgjuar as nga AAK që po kritikon ose të flas për këto skandale. Kjo është konfirmim i marrëveshjeve të fshehta që ata po e përkrahin atë.

Ky siç thotë ajo, është momenti i fundit që AAK të heq dorë nga marrëveshjet me këta kriminelë.

“Askush në Kosovë nuk duhet hesht përball krimit”, ka shtuar ajo

Temat
LajmeVend

Të afërta