Kryetari i PDK-së, Kadri Veseli bashkë me zëvendësin e tij, Enver Hoxhaj, kanë zbarkuar befasisht sot në Prizren.
Veseli dhe Hoxhaj janë ndalur në ndërtesën e Komunës së Prizrenit, ku bashkë me krerët e komunës kanë marrë vendim për largimin e gjashtë drejtorëve të PDK-së dhe zëvendësimin me të rinj, transmeton lajmi.net.
Kjo ‘fshesë’ e Veselit ka të bëjë me mospunën e tyre, si dhe përpjekjet për kthimin e fuqisë së PDK-së në Prizren, ose siç e quante Thaçi dikur “Jerusalemit të PDK-së”.
Mirëpo, lajmi.net merr vesh se kjo nuk është “fshesa” e vetme dhe e fundit e Veselit brenda strukturave të PDK-së si nëpër degë po ashtu edhe në qendër.
Reformat në PDK pritet të kenë pasoja edhe të disa zyrtarë të lartë të cilët më shumë shihen si pengese sesa si ndihmesë.
