Këto masa kanë ndikuar që në Kosovë pasditen e sotme temperaturat të shënojnë rënie drastike.
Masat e ftohta ajrore nga veriu i kontinentit, gjatë ditëve të fundit kanë filluar të depërtojnë mbi Evropën qendrore.
Këto masa kanë ndikuar që në Kosovë pasditen e sotme temperaturat të shënojnë rënie drastike, transmeton lajmi.net.
Temperatura aktuale në Prishtinë (ora 19) shënon 15 gradë celsius. Po ashtu edhe vranësirat janë shtuar dukshëm që mund të sjellin edhe reshje shiu.
Gjatë ditës së premte do të mbajë mot i freskët dhe pjesërisht i vranët. Për fundjavë fusha të qëndrueshme me presion të lartë do të depërtojnë mbi rajon, duke sjellë mot stabil, të kthjellët kryesisht me diell dhe jo aq të ngrohtë.
Temperaturat maksimale do të pësojnë rënie nga 25C në 20C, të premten, e në fundjavë gradualisht do të rriten në 23C deri në 25C. Temperaturat minimale në fundjavë do të zbresin dukshëm nën vlera mesatare në 8C deri në 9C.
