Në sheshin “Adem Jashari” në Skenderaj, Policia e Kosovës pas një bastisje ka konfiskuar një armë.
Në orët e hershme të mëngjesit të sotëm, Policia në Skenderaj ka realizuar një urdhër kontroll në një lokal, me ç’rast ka rezultuar me gjetjen e një arme.
Urdhër kontrolli është realizuar mbi dyshimet e arsyeshme të bazuara, se në lokalin i cili ndodhet në sheshin “Adem Jashari” në Skenderaj, personat që gjendeshin brenda posedonin armë.
Gjatë kontrollit Policia brenda hapësirave të lokalit ka gjetur dhe konfiskuar një armë të llojit pistoletë, e cila ishte hedhur në një kthinë të lokalit, ndërsa më vonë është vetëparaqitur personi i dyshuar A. H., 24 vjeçar, i cili ka pranuar se armën në fjalë e kishte në posedim, për të cilën nuk kishte leje përkatëse.
Personi i dyshuar pas procedurave intervistuese i njëjti është liruar në procedurë të rregullt.
Ndaj të dyshuarit është iniciuar procedurë për vepër penale ‘mbajtje në pronësi, kontroll, posedim i paautorizuar i armës’.
