19:45, 10 Gusht 2016 741 Shpërndarje
Konfirmohet koha e saktë e arritjes së Majlinda Kelmendit në Kosovë.
Komiteti Olimpik i Kosovës, përmes një njoftimi zyrtar ka konfirmuar që medalja e artë e “Rio 2016” do të mbërrijë në vend të dielën (14 gusht) në ora 17:40 në Aeroportin e Prishtinës.
Sigurisht, Majlinda do të jetë me ekspeditën e xhudos, përfshirë trajnerin Driton dhe Agron Kukën si dhe Nora Gjakovën, përcjellë “Lajmi.net”.
Ata fillimisht do të aterrojnë në Frankfurt të Gjermanisë dhe më pas do të fluturojnë drejt Kosovës.
