Një ngjarje e rëndë ka ndodhur në qytetin e Sarandës, ku si pasojë e shpërthimit të një bombole gazi kanë mbetur të plagosur 3 persona.
Ngjarja ka ndodhur në një lokal veror në plazhin e quajtur “Pulëbardha” në Ksamil.
Sipas policisë në lokalin veror në pronësi të Dh.M., dyshohet se ka shpërthyer tubi i bombolës së gazit dhe për pasojë u ka shkaktuar dëmtime të lehta 3 vetave, pronares së lokalit dhe dy punonjësve.
1- Dh.M., 43 vjeçe, banuese në Ksamil (pronare e lokalit)
2- M.B., 19 vjeçe, banuese në Tiranë (punonjëse)
3- Gj.T., 19 vjeçe, banuese në Tiranë (pushuese).
Shtetaset e dëmtuara ndodhen jashtë rrezikut për jetën, por janë nisur drejt Tiranës për mjekim më të specializuar.
Policia po kryen veprimet e mëtejshme proceduriale në lidhje me ngjarjen.
