Moti i ligë ka sjellë të reshura të dendura shiu në Maqedoni, ndërkaq deri në ora 20 e mbrëmjes, më së shumti të reshura shiu janë regjistruar në Shkup, me 33 litër për metër katror, transmeton Telegrafi Maqedoni.
Rajoni i Mavrovës, Malit Sharr dhe Pollogu janë vendet e para që u goditën nga ky mot i ligë. Kurse në Shkup dhe rrethinë, era e fuqishme veriore ka arritur shpejtësinë deri më 72 kilometër për orë, njoftojnë nga Enti hidro-meteorologjik (EHM).
Gjithnjë sipas EHM-së, të reshurat e shiut do të vazhdojnë edhe natën, të shoqëruara me vetëtima dhe bubullima. Moti i ligë do të na shoqërojë deri të martën, kurse nga e mërkura pritet stabilizimi i motit.
Fjalët kyçe
moti i keqTemat
Lajme
