16:44, 6 Gusht 2016 527 Shpërndarje
Trajneri i Juventusit, Massimiliano Allegri, ka thirrur mesfushorin Paul Pogba që t’i bashkohet skuadrës në stërvitje, pavarësisht të ardhmes së paqartë të tij.
Francezi 23 vjeçar raportohet se ka arritur marrëveshje me Manchester Unitedin, dhe zyrtarizimi është vetëm çështje kohësh.
Por, derisa të ndodh ky zyrtarizim, Pogbas i duhet të stërvitet me Juventusin, duke filluar nga dita e hënë.
Pogba këto ditë ka qëndruar në Amerikë, ku edhe besohet se ka arritur marrëveshje personale me skuadrën që drejtohet nga Jose Mourinho, e cila për shërbimet e tij do t’i paguaj 110 milionë euro Juventusit.
