Përzgjedhësi i Kosovës, Albert Bunjaku, ka zgjedhur një mënyrë unikale, për t’i ftuar futbollistët të zgjedhin Përfaqësuesen e vendit të tyre.
Ai u ka dërguar një mesazh jashtëzakonisht të fuqishëm tek të gjithë futbollistët kosovarë.
Bunjaku ka përdorur poezinë e jashtëzakonshme “Unë, Biri Yt, Kosovë”, të të madhit Ali Podrimja, e cila në pak rreshat ngërthenë më shumë sesa që mund të thuhej në një libër të tërë.
“Unë, Biri Yt, Kosovë
Unë biri yt Kosovë t’ i njoh dëshirat e heshtura,
t’ i njoh ëndrrat, erërat e fjetura me shekuj,
t’ i njoh vuajtjet, gëzimet, vdekjet,
t’ i njoh lindjet e bardha, caqet e tuka të kulluara,
ta di gjakun që të vlon në gji,
dallgën kur të rrahë netëve t’ pagjumta
e të shpërthej do si vullkan:-
më mirë se kushdo tjetër të njoh, Kosovë
Unë biri yt.
“Trego se Ti je biri i Kosovës që do t’ ia zgjosh ëndërrat e fjetura me shekujt, t’ ia zgjosh gëzimët e munguara nga vdjeket e vuajtjet. E di se edhe ty të vlon gjaku në gji, sepse shumë netë ke mbetur pa fjetur! Por tash mund të shpërtesh si vullkan, sepse ti je bir Kosove!
Shokët tu tjerë e bënë më herët, sot është radha yt! Bashkohu me ta, lartësoje vetën, nderoje Kosovën!
Sot është koha, nesër mund të bëhët vonë”, thuhet në fund të letrës së Albert Bunjakut.