Presidenti i Turqisë, Tayyip Erdogan, e ka kritikuar ashpër Amnesty International për raportin e saj i cili pohon se disa persona të arrestuar në lidhje me puçin e dështuar në Turqi janë torturuar.
Erdogani ka insistuar sot se Turqia ka një politikë “zero tolerancë për torturë”, si dhe akuzoi grupin për të drejtat e njeriut me seli në Londër se ka injoruar dhunën e shkaktuar nga puçistët gjatë tentimit të 15 korrikut, raporton AP, përcjell Express.
Gjatë një fjalimi para përfaqësuesve të kompanive të huaja që investojnë në Turqi, Erdogan i bëri thirrje Amnestry International që të vizitojë zonat e sulmuara nga puçistët për të parë se kush kujt çfarë i ka bërë.
Ai e pranoi se disa nga të arrestuarit mund të jenë rrahur gjatë përleshjeve gjersa forcat pro-qeveritare po e shuanin tentim puçin.