Në brigjet e Perth që ndodhet në pjesën perëndimore të Australisë, peshkatari e ka parë nga larg një ‘anije të përmbysur’.
Por, pasi është afruar ka vërejtur se bëhet fjalë për diçka tjetër.
Mark Watkins që po lundronte me të atin, kur e ka kuptuar se nuk ishte barkë, i ka shkuar mendja se mund të jetë ndonjë përbindësh jashtëtokësorë, transmeton Telegrafi.
Gjithnjë duke iu afruar topit që rrinte mbi sipërfaqe, aroma e pështirë vinte e bëhej më e rëndë, andaj ai u bind se bëhet fjalë për një gjallesë të ngordhur.
Ishte pikërisht një balenë e pa jetë, që kishte ngordhur kohë më parë dhe trupi saj i dekompozuar ishte kthyer së prapthi.
“Barku i balenës ishte i mbushur me gazra dhe shumë pjesë të trupit i ishin shkëputur. Era që mbretëronte në atë vend, ishte e padurueshme” ka shpjeguar Watkins për këtë rast.
