14:36, 31 Korrik 2016 723 Shpërndarje
Shqipëria do të zhvillojë një ndeshje miqësore përballë Marokut më 31 gusht. Ndërkohë që Federata e këtij shteti e ka bërë me dije zhvillimin e kësaj ndeshjeje mesditën e së enjtes, FSHF është kujtuar vetëm mbrëmjen e djeshme që të njoftojë zhvillimin e këtij takimi.
Nuk dihet nëse është thjesht neglizhencë e punonjësve të FSHF-së për njoftimin, apo është tentativë për të fshehur axhendën e Kombëtares për zhvillimin e takimit katër ditë, përpara ndeshjes së parë kualifikuese.
Në njoftimin e FSHF-së është bërë me dije që takimi do të zhvillohet në stadiumin e rikonstruktuar “Loro Boriçi”, më 31 gusht.
Ndërkohë, nga data 29 gusht nis grumbullimi.
