20:34, 24 Korrik 2016 624 Shpërndarje
Dijamant Zabërgja, Armela Segashi dhe Sabina Sulaj janë tre viktimat kosovare që humbën jetën nga sulmi në qendrën tregtarë “Olympia” në Munih të Gjermanisë.
Pasditen e së premtes, Ali Songoly, 18 vjeçar la të vdekur nëntë persona dhe i plagosi dhjetë të tjerë duke i qëlluar me armë.
Familjarët e viktimës Armela Segashi nga Podujeva kanë thënë për Indeksonline se prindërit do të kthehen nga Munihu nesër në mëngjes, ndërsa trupat e të rinjve të vdekur do të kthehen pasdite.
Ata kanë treguar se varrimi i viktimave do të bëhet të martën.
Në mesin e viktimave ishin tre kosovarët, tre turq, dy gjermanë dhe një grek.
Sulmuesi pasi kishte kryer aktin kriminal, kishte qëlluar veten për vdekje.
