Pas njohës së shtetit të Kosovës nga Surinami, kryeministri i Serbisë Ivica Daçiq ka thënë se kjo njohje është rezultat i presioneve nga sponsorët e pavarësisë së Kosovës të cilët e kanë ushtruar këtë presion ndaj vendeve që nuk e kishin njohur atë, në mënyrë të veçantë pas disfatës së tyre në UNESCO.
Po ashtu Daçiq shtoi se autoritetet kosovare duhet të ndalojnë së gënjyeri sepse sipas tij Surinami është vendi i 106 që e ka pranuar pavarësinë e Kosovës, dhe jo 111 siç po thonë autoritetet në Prishtinë, shkruan Tanjug, raporton lajmi.net.
“Qeveria e Republikës së Serbisë do të vazhdojë politikën e saj parimore për të qenë të përgatitur për të zgjidhur të gjitha çështjet e hapura përmes dialogut, por asnjëherë duke njohur pavarësinë e shpallur në mënyrë të njëanshme të Kosovës, sepse kjo është thellësisht në kundërshtim me të drejtën ndërkombëtare “, theksoi Daçiq.
