Gonzalo Higuain po lidhet së fundmi me një largim nga Napoli, ndërsa nëse një gjë e tillë ndodhë, vendin e tij mund ta zënë Alvaro Morata apo Mauro Icardi.
E ardhmja e Gonzalo Higuain te Napoli nuk është e sigurtë, me Juventusin dhe disa skuadra të tjera të interesuara për të.
Por, presidenti i Napolit, Aurelio De Laurentiis, nuk dëshiron të dëgjojë për oferta nën 94 milionë euro.
Megjithatë, nëse ndonjë klub i paguan këto para për “El Pipitan”, në Napoli tashmë e kanë përgatitur zëvendësuesin e tij.
Alvaro Morata i Real Madridit është futbollisti të cilin po e përcjellin drejtuesit napolitan, por në rast se transferimi i tij dështon, Mauro Icardi është plani B për klubin nga “San Paolo”.