15:59, 18 Korrik 2016 529 Shpërndarje
Xavi ka vetëm fjalë të mira për ish-bashkëlojtarin e tij te Barcelona, Lionel Messin.
Ish mesfushori i Barcelonas, Xavi ka deklaruar se askush nuk do e arrijë atë që Messi e ka bërë në futboll, pasi ka fituar plot pesë ‘Topa të Artë’.
“Për mua ai është më i miri. Ka lojtar të fortë, por asnjë nuk do e arrijë nivelin e Messit”, deklaroi fillimisht Xavi.
“Kur Messi do pensionohet do të jenë Hazard dhe Neymar, por prapë do të jenë larg nivelit nga Lionel”, përfundoi mesfushori spanjoll.
Ndryshe, Xavi dhe Messi kanë luajtur rreth 10 vite bashkë tek Barcelona, duke fituar të gjithë titujt e mundshëm për ekipe.
