Mishi i importuar në Kosovë nga vende të ndryshme, vazhdon t’i brengosë qytetarët, të cilët e konsumojnë me dyshim atë, raporton KTV.
Pasi ditë më parë u raportua që kishin hyrë lopë të ngordhura në vend, e as mishi i pulës nuk është shumë i sigurt.
Mbi 20 ton mish pule, i ardhur nga Britania e Madhe në Kosovë ishte me afat të skaduar.
Kjo sasi e mishit që ka hyrë në Kosovë me datën 5 të këtij muaji, është asgjësuar të enjten në terminalin doganor në Prizren.
Sipas Lamir Thaçit, autoritetet po mundohet që një mish i tillë të mos arrijë në tryezat e qytetarëve të Kosovës.
Mishi i pulës me afat të skaduar, është asgjësuar me ndihmën e kompanisë eko-regjioni të Prizrenit, përcjell koha.net. Ndërkaq, pastaj është dërguar për t’u groposur në deponinë në Dragash.
Taulanti_Asgjesimi_mishit_14_07 from Koha.net on Vimeo.
