Mbrojtësi portugez Pepe, ka deklaruar se është i gatshëm për finalen e madhe.
Portugalia do të përballet sonte me Francën në finalen e Kampionatit evropian me fillim nga ora 21:00.Anëtari i Real Madridit ka thënë se është i gatshëm për ndeshjen e jetës së tij për ta përfaqësuar popullin portugez.
“Unë ndihem shumë mirë dhe jam plotësisht në dispozicion të trajnerit për këtë që është ndeshja më e rëndësishme e jetës time, sepse përfaqësoj një popull të tërë, popullin tim”.
“Ne duam të shkruajmë emrat tonë në histori dhe besojmë se duke luajtur mirë mund t’ia dalim. Kemi presion, por personalisht kam përvojë në të tilla situata”.
“Futbollistët francez janë në të njëjtën rrethanë me Portugalinë në vitin 2004. Ata luajnë në skuadrat më të mira të Evropës dhe janë mësuar me finalet. Gjithashtu, trajneri Didier Deschamps e di si fitohet. Megjithatë, në fushë do të jemi 11 kundër 11 dhe nëse ne luajmë më mirë se ata do të fitojmë trofeun”, deklaroi Pepe.
