Dogana e Kosovës sot ka suspenduar një oficer doganor për shkak të dyshimeve për kryerjen e veprës marrje ryshfeti.
Sipas një njoftimi të Doganës, dyshimeve fillestare lidhur me këtë rast janë se oficeri doganor gjatë kryerjes së detyrave zyrtare në pikë-kalimin kufitar të Dheut të Bardhë nuk ka përmbushur detyrat e përcaktuara sipas legjislacionit, përkatësisht i njëjti dyshohet se ka marrë një shumë të hollave nga një qytetar i cili udhëtonte përmes këtij pikë-kalimi.
“Pas konsultimeve me prokurorinë kompetente dhe vendimit për vazhdimin e hetimeve penale ndaj oficerit menaxhmenti i Doganës ka marr sot vendimin për suspendimin e tij”, thuhet në njoftim.
Që nga fillimi i vitit janari 2016 e deri me sot numri i oficerëve të suspenduar është nëntë.
