Kampioni i Formula 1, Lewis Hamilton, ka shkuar të kalojë disa ditë pushime me Ritën në Ulqin, pas fitores në fundjavë.
Menjëherë pas fitores në garën e radhës të kampionatit të Formula 1, piloti i Mercedes, Lewis Hamilton ka shkuar me aeroplan privat në Malin e Zi.
Atje në fillim të vikendit kanë shkuar edhe Rita Ora me motrën e saj Elenën dhe me shoqërinë e tyre, ndërsa kampioni nuk është vonuar t’i bashkohet, shkruan lajmi.net.
Mediat malazeze kanë treguar se Hamilton po qëndron atje, por nuk është përmendur se ai i është bashkuar Ritës.
Megjithatë, kjo vërehet nga postimet në rrjetet sociale, pasi Elena ka publikuar disa fotografi nga “Ada Bojana” ndërsa edhe Hamilton ka postuar në Snapchat-in e tij foto dhe video nga i njëjti vend.
Kjo nuk është hera e parë dhe Rita dhe piloti britanik kanë shkuar bashkë në pushime,por së fundmi duket se po shoqërohen mjaft shpesh.
